Reverend FatherPaul Oneid

In his own words

Facebook posts

Reflections, prayers and poems he shared with family and friends online, kept here so they aren’t lost.

Father Paul OneidJanuary 5, 2024

العيشيه من ماضيها مشهورين لياليها، بعيد السيده والصليب، الحفلات بتعمر فيها العيشيه عا روابيها، الشمس بتعمل تنزيهه ويمرّي حالو القمر، عا مْراية لياليها ت موطنا بمجالو ، يعمر ويفضّي بالو نشا الله السلم بهالإيام، يعمّ وتتحسن حالو يا أهل الضيعه عطوني، مطرح ركعه وخلّوني إشرب من نبع الوادي، ويشرب من دمع عيوني الإنسان خصوصي بلبنان، ربحو مش كبر جيابو أكبر مربح للإنسان ، يلاقي ولادو وصحابو

Father Paul OneidJanuary 4, 2024

أمي هل يشع القلب لأكثر من حُبّ ها يتسع الصدر لأكثر من قلب وهل يضم الجسد أكثر من روح القلب يتسع حقاّ لأكثر من حُبّ حب يشمل أكثر من إنسان الصدر يتسع لأكثر من حياة أمّي لقد اتسع قلبك فضمنا بحبه وحنانه، وامتد عمرك للتسعين ليشملنا بعطفك ورضاكِ أنتِ التي بعد الله لولاكِ ما كناّ هل كانت حياتك غير سخاء وعطاء تأخذين القليل وتعطين الكثير ولا يزال معين العطاء بركة وبحرا يسير بنا كيف لي أن أرد الجميل وأن أوفيكِ الحق لو كان تُهدى إلى الإنسان قيمتُهُ لكان تُهدى لكِ الدنيا وما فيها*

Father Paul OneidJanuary 4, 2024

غابة أرز غابة أرز العيشيه ، والشهدا اللي فيها ماتوا وعاشت حرِّيِّه، بحاضرها وبماضيها الكلمه إذا الأرواح سمعتنا، بتضل متل المسك سمعتنا واليوم طيّبنا كلمتنا ، الحِليِت بالقايد ساعتنا وجودو بلبنان والضيعه ، عادتنا وعدّتنا وهالإحتفال الحلو جمّعنا ، ومنّو استعدنا كل قوتنا لمّا وصلني كتابك ، شرّع عالجنِّه بابك عرفت الصداقه الحلوه، من قلبك ومن حبابك

Father Paul OneidJanuary 3, 2024

عيد الميلاد فيا رب السلام في عيد ميلادك العجيب هب السلام أرضنا وعالمنا عد إلينا فلا أمن واستقرار ولا سلام بدونك يا ملك السلام ممنوع أن يكون في عيد الميلاد عداوة بغض حرب إنتحار خصوم حرب شهوات عيد الميلاد عيد جديد بل إقتداء بالمسيح وسلام على الأرض بين الأفراد والجماعات في الديانة المسيحيه لا خلافات وبغضاء وعداوة وأنانية ومبرياء المسيح هدم العداوة بين الإنسان وأخيه الإنسان وضم الضائعين إلى الكنيسة الواحدة لهم أب واحد هو الله وأم واحدة هي العذراء ومخلص واحد هو المسيح لو عرف المسيحيون هذه الحقيقة لعاشوا بالمحبه والسلام ولكانت الحروب اختفت بما فيه المسدسات والمدافع والطائرات والعنف والإرهاب وكانت الشريعة عين بعين وسن بسن

Father Paul OneidJanuary 3, 2024

يا تارك يا تارك بقلب الكنيسه غمار، كلمات قيمتها بتهابك الكلمه اللي عالوعظ النقي بتغار، بعدها بتلبس من تيابك وعظك رساله حامله أسرار، كلنا منقرا من كتابك لبنان قلب من التلج أطهر، عين عالأخلاق عم تسهر ومحبة الإنسان الما إلها حدود ، وقلب جوّا قلبنا مْصَوَّر وقفه ما بدا بالمعاني شهود ، وعطر عا كمام الوطن زهّر وصوت بقلوب البشر موجود، وفينا رح يبقى حلم أخضر للأبونا المنجلّو بعد التعب منقلّو نشا الله العضرا ومر شربل، يعطوك العمر كلّو

Father Paul OneidJanuary 2, 2024

النوادر( تابع ) المشايخ الخازنيون عندهم الكلمة الحلوة الطريفة كشيء طبيعي يكتمل فيهم ، وقلما تجد فيهم من ليس حديثه مكها ولسانه طروبا وقوله مستظرفا وقد يجهل كثير من أبناء لبنان مآثر آل الخازن في تاريخهم الطويل ولكن نكات الخازنيين ما زالت على كل شفة ولسان ولا ريب في أن التحكم بالوقت والإكتفاء المعيشي والثقة بالنفس والسيادة الإقطاعية والروح الأرسطوقراطية والجرأة ، من دون أن ننسى الذكاء الوهاج وفلتاتي البديهة على عفوية وإيجاز صارخين كانت وراء إمتياز بيت الخازن في النكتة المكتسبة طرافة وظرافة والنكات الخازنية هي ولا شك من صنع الواقع لا من نسج الخيال ومن أسياد النكتة من الخوازنة بل من أعلامها الشيخ يوسف وخليل وفريد والفرد فما أعذب قراءة نكتهم ونكت أنسبائهم

Father Paul OneidJuly 31, 2023

جود الله كمالاته مخلوقاته أنا موجود ولكن من أوجدني ، من المؤكد أني لم أوجد ذاتي إن كنت أتسلسل من أب إلى جد فمن أوجد الإنسان الأول دون أبوين، ومن أوجد الجنس البشري والعوالم وكل المخلوقات، وإني أطمع إلى سعادة لا أجدها بينما الحيوان يجد كل ما يشتهيه، والزهرة تعيش وتموت ولا تطمع قط إلى أكثر من النسيم والنور إلّا أنا أنا الإنسان مالك الطبيعة فإني اشقى وأتنهد وأطلب السعادة ولا أجدها، أيجوز أن أكون ملك الطبيعة وأكون في الوقت ذاته أشقى موجودات الله إذن من أوجدني؟ ولمن أوجدني ؟ في وسط عالم يشع منه النظام والجمال" ألله هو أكبر كلمة في اللغات البشرية وهو أكبر كلمة في اللغات البشرية و معضلة الفلاسفة العظامً)

Father Paul OneidFebruary 29, 2016

من بعد ما عرفوك. تمردوا وهانوك! وعالجلجله صلبوك وخل ومر سقيوك! لما قلت عطشان. لا تطول غيابك نحنا على بابك. عودك لنا تذكار. القربان نور ونار

Father Paul OneidFebruary 29, 2016

يا ابن الله البار بناسوتك الجبار، تكارمت بالغفران تمجدت بالشكران. تحملت عود العار وغفرت للكفار. ومن بعد ما عرفوك تمردوا وهانوك

Father Paul OneidFebruary 26, 2016

يسوع يا غافر ذنوب الخاطيين، انت اعلى كتير من مجد الملوك. من قلبك الطاهر طعَمت المؤمنين، وليلة نزاعك وقتها صاحوا الديوك

Father Paul OneidFebruary 26, 2016

غفرت للكفار والمتامرين، يتمقطعوا فيك وما كانوا يرحموك. انت المسيح وحاكموك المجرمين، بإكليل من شوك الخطايا كللوك.

Father Paul OneidFebruary 26, 2016

من بعد ما عملت الجريمه سمعت، صوت الغضب من فوق نادالك. وعند توبيخ الضمير رجعت، تطلب رضى هالمات كرمالك#

Father Paul OneidFebruary 26, 2016

يا ابن آدم بالخطيه وقعت، لما الاله تألم قبالك. يوضاس متلو مسلكك ضيعت، وصارت يمينك تلعن شمالك

Father Paul OneidFebruary 24, 2016

وإنجيل ربك طالعو دستور، بتصير بالرب العلي سكران. بيعلمك طهر وقداسه ونور، وبيلهمك وقت العزا سلوان. القداس قدس والكنيسة زور،

Father Paul OneidFebruary 17, 2016

من يوم ما بالخالقو آدم كفر, مركب خراب الكون بالسرعة صفر . واليوم كل الشعب بالإجرام زاد، عن شرنا وعن كفرنا غض النظر

Father Paul OneidFebruary 11, 2016

ومدرستي العطت للعلم موني، منها تخرجوا ميتين قايد. بكرا عندما غمض عيوني، اذا ما بيحملوا ولادي فيي، ما بدي يكتبوا عني الجرايد

Father Paul OneidFebruary 11, 2016

يا رب عنا رد شلال الغضب، لا تردنا فحمه على تراب السراب، عالم بتمشي على نهر الذهب، وعالم بتمشي عا نار الاضطراب

Father Paul OneidFebruary 11, 2016

صباح الخير لكل من عرف قيمة الحياة، صباح الخير لكل من فعل السلام فاستحق ان يكون ابن الله، صباح الخير لكل من يملك نية صافية وأمنية ربانية!!!

Father Paul OneidFebruary 10, 2016

لو جمعنا ضمة أقمار، وتماني من عقول كبار! ومن ألوان البشوره، كان فينا نرسم صوره، عن كل ولادي الشطار؟؟؟

Father Paul OneidFebruary 10, 2016

البيت ألما عندو ولاد صفى بالمزاد، ماكد مع الأيام بيصفي رماد! الأولاد بهجة هالدني كلا، وبهجة فراح عيالنا وكل العياد ؟؟؟

Father Paul OneidFebruary 10, 2016

تلاقيت مره بكافر بربو، الاجرام تحت جوانحو تخبو! عايش مع الاشرار والفجار، وما في حدا من الناس بيحبو

Father Paul OneidFebruary 10, 2016

نحنا من القداسهً منطلقنا، جينا وبابنا الوهمي غلقنا! نحنا من عند الله انطلقنا، ليش الشر نعمل والجريمه، وعا صورة ربنا نحنا خلقنا؟؟؟

Father Paul OneidFebruary 10, 2016

العالم الكافر مجنون، بيتصور إنّو بيمون ! اليوم بيمشي ومش عارف، بكرا بترابو مدفون

Father Paul OneidFebruary 10, 2016

أوعى تحط الكذب بكمامك. حتى اذا بيكون بمنامك. خلي النميمة تموت قدامك. أفضل ما تمشي دروب معوجي. وبالصدق ازرع درب أحلامك

Father Paul OneidFebruary 10, 2016

في ناس منهم ما حدا ببيسمع، كلما حكوا يا كسر خاطرنا! هالكون فاني والبشر مقلع، في ناس ناطرهم تراب الموت، ونحنا خلود الروح ناطرنا

Father Paul OneidFebruary 10, 2016

دخلك يا عدرا أمي من البدء حملتي همي، سموكي كنز الرحمه، وارزه وحمامة سلام، عطينا القُوِّه والهمه

Father Paul OneidFebruary 9, 2016

اركع وصلي من قبل ما تنام، ولا تعيش بين الشك والاوهام. ابن الارض للارض بيقولو، شقفة كفن من فضلة الأيام!!!

Father Paul OneidFebruary 6, 2016

شبعت عيوني من غنى الازمان، لكن ما شبعوا من حلا ولادي. ولولا تركت هالكون مش زعلان ، ما زال كل الأنبياء ماتوا، بيكفي باقي عالزمن لبنان

Father Paul OneidFebruary 4, 2016

قلي شو الشاغل قلبك بعدت عن سر القربان . تروك الكفر تباع الرب ألما بيحبو ما بينحب ولا ممكن يصبح انسان

Father Paul OneidFebruary 4, 2016

كون ياابني أيد للمحتاج. وسراج لليلي ما عندو سراج. ما تهوج لو بركان شفتو هاج. ونوور دني وين ما طليت

Father Paul OneidFebruary 4, 2016

كون يابني لليتامى بي، وين ما في نار طفي النار. وخي ل يلي ما عندو خي. للمكتوي من الشمس كون الفي

Father Paul OneidFebruary 4, 2016

كون عكازه لهالختيار. كون للعطشان شربة مي. كون بالمنديل نقطة زيت. تيكون قلبك للمعتر بيت

Father Paul OneidJanuary 31, 2016

لوين رايح قال عالقداس، - قالولنا بعد الجرس ما دق- قلي أنا بتفرج على الناس- ليش حتى اهرب من الحق...